Category
مشاريعنا
About This Project

شكون يحب يمشي معانا نهار 14 جانفي للمدرسة هاذي ؟
نحكيو على مدرسة إبتدائية اسمها ولاد نصر الله بولعابة في القصرين .. مدرسة فيها 30 تلميذ كي الطقس يبدا موش باهي ، و كي تصب المطر ميجي حد خاطر مفمش كياس و خاطر الواد فيسع مايفيض .. التلامذه في المدرسة هاذي يمشيو كل يوم اكثر من 05 كلم في المسالك الجبلية
مدرسة متكونة من 02 قاعات أكهو ، مدرسة مافيهاش ماء صالح للشراب ، ما عندهمش دورة مياه ، الناس كي تعطش يجبلهم المدير الماء في سيتيرنا
مدرسة بلاصتها في جبل الشعانبي ، في المنطقة العسكرية ، و صارت بحذاها عمليات و اشتباكات بن الجيش والإرهابيين
مدرسة شهدت خلع لاحد قاعاتها من قبل ارهابيين في الشعانبي (بشهادة فرقة مقاومة الارهاب 2014)
مدرسة الصغار فيها ماعندهمش كتب ، و لا كرارس ما عندهمش ادوات و اقراص و اعواد ، ما عندهمش نوادي ترفيهية
عن أي طفولة نتحدث … عن أي وطن نتحدث
نحكيو على نهار السبت الجاي 14 جانفي ، بش نمشيو للمدرسة (نمشوو الصباح بكري و نروحوا العشية) هذي نعديو بحذاهم نهار و نهزولهم إلي نجمو : دوايات ، كتب ، دبش، فن , حوايج ، اغطية ، لعب، أطباء، فنانين، صحافيين، رياضيين … كل شي نقدرو عليه
خلينا نعملوا أقل حاجة ليهم
الاحتفال بالثورة يكون في مناطق الثورة
إلي يحب ينضم باللي ينجم مرحبا… هذا ليهم ، هذا لتونس

لمزيد من المعلومات و تسجيل المشاركة / الهاتف : 71848191 / 27052067

نحن هنا: الشعانبي – محافظة القصرين