Category
مشاريعنا
About This Project

التجربة هاذي ما كانتش كيما التجارب الي سبقوها الكل ، علاش ؟ على خاطر القيمة الانسانية تغلبت على التفاصيل الفنية و التقنية ، على خاطر نسينا علاش جينا و ركزنا على محبّة بعضنا ، فقنا الي احنا ما جيناش نعملو في تدريبات فنية فقط بقدر ما نلقاو رواحنا في منطقة معزولة على عولمة الحياة , خلاتنا بشكل لا ارادي “نتورطو” في العمل الجماعي ، ظروف صعيبة ، نقص في المياه ، الطقس بارد والمطر خيطين مالسماء ، ومع ذلك كل الفريق يقوم بكري ، جماعة يحضرو فطور الصباح و جماعة اخرين يحطو موسيقى وجماعة اخرى تحضر تمارين الرياضة وجماعة يتلهاو بالنظافة ، نهار كامل يتعدى بين النشاط الصباحي والتدريبات الأدائية والسهرات والنقاشات الليلية ، التجربة هاذي خلاتنا نحسو الي احنا هاربين من كل ما يمكن ان يعترضنا ، هاربين من اصوات الشاحنات الكبرى ، من ضجيج الاسواق الاسبوعية ، هاربين من حس الماكينات ، من السبان و العرك و العياط ، هاربين مالراديوات و التلافز ، هاربين من بعضنا وهاربين من رواحنا ، جمعتنا الظروف باش نكتشفو مقدار الصبر والتحدي و العزيمة الي فينا ، عرفنا قدرتنا على التواصل مع الاخر ، رجعت فينا احساس التشارك و كيف تنسى روحك باش تعاون صحابك ، كيف تبرد انت باش تدفى صاحبتك ، كيف يجوع هو باش يتعشى الاخر ، برشا محبة و برشا صدق وبرشا تعب و برشا وجيعة و برشا حياة و برشا ممات و برشا هدوء و برشا من الانسان … شكرا لكل من ساهم من قريب و من بعيد في خطة الهروب ، شكرا لجنودنا فوق كل ارض وتحت اي سماء .. كيف تتفرجو على عرض #FUITE تو تعيشو معانا ساعة ماللي عشناه 08 ايام بليلهم ونهارهم . فنّي رغمًـــــــاعنّـــــي #باقية_و_تتمدد #ثقافة_للجميع

ESPW’ART 2